राजधानीत क्रांतिसिंह नाना पाटील यांची जयंती साजरी

नवी दिल्ली प्रतिनिधी

3 ऑगस्ट

क्रांतिसिंह नाना पाटील यांची जयंती आज महाराष्ट्र सदन व महाराष्ट्र परिचय केंद्रात साजरी करण्यात आली.

कोपर्निकसमार्ग स्थित महाराष्ट्र सदनाच्या सभागृहात आयोजित कार्यक्रमात निवासी आयुक्त तथा अपर मुख्यसचिव श्यामलाल गोयल यांनी क्रांतिसिंह नाना पाटील यांच्या प्रतिमेस पुष्पहार अर्पण करून अभिवादन केले.यावेळी सहायक निवासी आयुक्त डॉ राजेश अडपावार यांच्यासह महाराष्ट्र सदनाचे अधिकारी-कर्मचारी उपस्थित होते. अधिकारी -कर्मचार्‍यांनीही यावेळी प्रतिमेस पुष्पअर्पण करून आदरांजली वाहिली.

महाराष्ट्र परिचय केंद्रात क्रांतिसिंह नाना पाटील यांना अभिवादन

महाराष्ट्र परिचय केंद्रात क्रांतिसिंह नाना पाटील यांची जयंती साजरी करण्यात आली. जनसंपर्क अधिकारी अमरज्योतकौर अरोरा यांनी प्रतिमेस पुष्प अर्पण करून अभिवादन केले. यावेळी उपस्थित अधिकारी -कर्मचारी व कार्यालयास भेट देणार्‍या अभ्यागतांनी प्रतिमेस पुष्प अर्पण करून आदरांजली वाहिली.